Донишгоҳи давлатии Кӯлоб ба номи Абуабдуллоҳи Рӯдакӣ ҳамчун муассисаи пешбар кори илмии унвонҷӯйи кафедраи рӯзноманигории Донишгоҳи давлатии Бохтар ба номи Носири Хусрав-Расулзода Комронро дар мавзуи “Нақши матбуоти даврии маҳаллӣ дар тарғиби сайёҳӣ ва ҳуннарҳои мардумӣ”, ки зери роҳбарии дотсенти кафедраи рӯзноманигории Донишгоҳи давлатии Бохтар ба номи Носири Хусрав, Маҳкамзода Дилором таҳия гардидааст, дар кафедраи журналистикаи факултети филологияи тоҷик ва журналистикаи донишгоҳ муҳокима намуд.
Дар муҳокимаи рисола ноиби ректор оид ба муносибатҳои байналмилалӣ дотсент Худойдодова Шарофат, мудири кафедраи журналистика Алишери Абдулмаҷид, дотсенти кафедраи рӯзноманигории Донишгоҳи давлатии Бохтар ба номи Носири Хусрав Маҳкамзода Дилором, дотсенти кафедраи журналистика Сафарзода Манучеҳр ва ҳайати устодону омӯзгорони факултет иштирок намуданд.
Зимнан дотсентони кафедраи журналистикаи донишгоҳ-Худойдодова Шарофат ва Сафарзода Манучеҳр, Одинаева Марҳабо — номзади илмҳои филологӣ, Тоиров Шермуҳаммад-муаллими калони кафедраи забоншиносӣ ва таърихи забон баромад намуда, фикру мулоҳизаҳояшонро доир ба паҳлуҳои кор баён намуданд.