Санаи 13.12.2024 дар Донишгоҳи давлатии Кӯлоб ба номи Абуабдуллоҳи Рӯдакӣ муҳокимаи рисолаи номзадии докторанти PhD кафедраи иқтисоди корхонаҳо ва соҳибкории факултети иқтисод ва идора Шарипов Назрулло Хисравович дар мавзуи “Идоракунии ҷараёнҳои инноватсионӣ дар бонкҳои тиҷоратии Ҷумҳурии Тоҷикистон” бо роҳбарии номзади илмҳои иқтисодӣ, дотсент, мудири кафедраи иқтисодиёти корхонаҳо ва соҳибкории Донишгоҳи миллии Тоҷикистон Раҳмонов Ҷалолиддин Равшанқулович баргузор гардид.
Дар муҳокима декани факултет номзади илмҳои иқтисодӣ, дотсент Расулова Лутфия, декани факултети молиявию иқтисодӣ, номзади илмҳои иқтисодӣ, дотсент Фатҳуллозода Абдухолиқ, номзади илмҳои иқтисодӣ, дотсент, мудири кафедраи иқтисодиёти корхонаҳо ва соҳибкорӣ Назаров Муродалӣ, номзади илмҳои иқтисодӣ, дотсент Мирсаидов Муҳаммаднаим ва дигар омӯзгорон иштирок намуданд.
Дар рафти муҳокима ҳамчун муқарризони холис номзади илмҳои иқтисодӣ, дотсент Фатҳуллозода Абдухолиқ, номзади илмҳои иқтисодӣ, дотсент Комилов Низомиддин ва номзади илмҳои иқтисодӣ, дотсент Назаров Муродалӣ баромад намуда, ҳусну қубҳи рисолаи илмиро арзёбӣ ва пешниҳоду тавсияҳои худро ироа карданд. Ҳамин тариқ, рисолаи номзадии докторанти PhD Шарипов Назрулло бо дар назардошти тавсияҳо анҷомёфта ҳисобида шуда, барои муҳокимаи давраи навбатӣ тавсия карда шуд.
Раёсати Донишгоҳи давлатии Кӯлоб ба номи Абуабдуллоҳи Рӯдакӣ ба Шарипов Назрулло ва роҳбари илмиаш барору комёбиҳо таманно намуда, ба ӯ дар ҷодаи илму таҳқиқ мувафаққиятҳои нав ба навро орзу менамояд.