Home ХАБАР БАРГУЗОРИИ ДАВРИ ФАКУЛТЕТИИ ОЗМУНИ «ТОҶИКИСТОН – ВАТАНИ АЗИЗИ МАН»

БАРГУЗОРИИ ДАВРИ ФАКУЛТЕТИИ ОЗМУНИ «ТОҶИКИСТОН – ВАТАНИ АЗИЗИ МАН»

by admin
99 views
Бо мақсади дарёфти истеъдодҳои нави соҳаи санъат, баланд бардоштани мақому маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди мусиқии нав, инчунин таълифи ашъори баландғояи ватандӯстона, дарёфти беҳтарин намунаҳои оҳанг ва сурудҳои тараннумгари дастовардҳои замони Истиқлоли давлатӣ, дар саросари мамлакат як қатор озмунҳои ҷумҳуриявӣ ба роҳ монда шудааст.
Дар ин баробар санаи 12-уми апрели соли равон дар факултети иқтисод ва идораи Донишгоҳи давлатии Кӯлоб ба номи Абуабдуллоҳи Рӯдакӣ даври факултавии озмуни ҷумҳуриявии «Тоҷикистон-ватани азизи ман» баргузор гардид.
Дар озмун Расулова Лутфия, номзади илмҳои иқтисодӣ, дотсент, декани факулта, Ҳакимов Абдуразоқ, мудири кафедраи иқтисодиёти корхонаҳо ва соҳибкорӣ, Наврӯз Носирӣ, номзади илмҳои иқтисодӣ, мудири кафедраи менеҷмент ва маркетинг, Мирзоев Тоҳир, ҷонишини декан оид ба тарбия ва донишҷӯён ширкат доштанд.
Дар озмун 10- нафар донишҷӯ аз рӯи 2 номинатсия: номинатсияи сарояндагӣ ва навозандагӣ ширкат варзиданд, ки аз онҳо 4-нафарашон ба даври донишгоҳии озмун роҳ ёфтанд.
Бояд қайд кард, ки ғолибони даври ҷумҳуриявии озмун бо шоҳҷоиза, диплом ва мукофотҳои пулӣ сарфароз гардонида мешаванд. Инчунин ғолибони озмун ҳуқуқи иштирок дар чорабиниҳои сатҳи ҷумҳуриявӣ ва байналмилалиро пайдо мекунанд.

Related Articles

Leave a Comment