Дар кафедраи таҳсилоти томактабӣ ва кори иҷтимоии факултети омӯзгорӣ ва фарҳанги Донишгоҳи давлатии Кӯлоб ба номи Абуабдуллоҳи Рӯдакӣ семинари илмӣ-назариявии назди кафедра бо иштироки ҳайати омӯзгорон баргузор гардид.
Дар рафти семинар номзади илмҳои педагогӣ, дотсент, мудири кафедра Шарипов Бахтовар дар мавзуи “Тарбияи ватандӯстӣ ва дӯст доштани арзишҳои миллӣ” маърӯзаи худро ироа намуд. Дар суханронии худ ба аҳамияти тарбияи ватандӯстӣ дар байни насли наврасу ҷавон, нақши муассисаҳои таълимӣ дар таҳкими эҳсоси миллӣ ва пос доштани арзишҳои фарҳангӣ таъкид намуд.