ДОСТОНИ НАВРӮЗ
Ҷамъем ба даври хони Наврӯз,
Молем ба дида нони Наврӯз.
Боғ асту гул асту обшор аст
Парвардаи комрони Наврӯз.
Аз ҳар варақи гулаш бихонем
Сад қиссаву достони Наврӯз.
Чун шеъри тар аст ҳафтрангаш
Дар сафҳаи осмони Наврӯз.
То арш баланд қимати мо
Рӯйида аз остони Наврӯз.
Ҷуз донаи меҳр мо накорем
Чун соҳиби меҳрубони Наврӯз.
То зиндаву ҷовидам ба номаш,
Сад ҷони ман асту ҷони Наврӯз.
Файзи Ашӯр