Дар Донишгоҳи давлатии Кӯлоб ба номи Абуабдуллоҳи Рӯдакӣ бо ташаббуси шуъбаи кор бо ҷавонон ва дастгирии раёсат миёни дастаҳои кормандон ва омӯзгорони факултетҳои Донишгоҳ мусобиқаҳои варзишӣ аз рӯйи намудҳои «Волейбол», “Баскетбол”, “Шоҳмот”, “Тенниси рӯйи миз” ва “Футболи хурд” бо маром идома дорад.
Иқдоми мазкур дар партави сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди соҳаи тарбияи ҷисмонӣ ва варзиш роҳандозӣ гардида, чунин чорабиниҳо дар Донишгоҳ мунтазам баргузор карда мешавад.
Ҳадаф аз баргузории чорабиниҳои варзишӣ ба рушду камолоти шахсият, тарғиби тарзи ҳаёти солим, таҳким бахшидани дӯстию рафоқат байни устодону кормандон равона гардидааст.
Мусобиқаҳои мазкур дар марҳилаҳои гурӯҳӣ, якчорниҳоӣ, нимниҳоӣ ва ниҳоӣ баргузор гардида, ғолибони мусобиқаҳо бо тӯҳфаи хотиравӣ қадр карда мешаванд.