Дафтари миллии Эрасмус+ дар Тоҷикистон дар меҳмонхонаи “Ҳаят реҷенс” эҳёи дубораи Дафтари миллӣ ва Ҳафтаи иттилоотиро таҳти унвони “Рӯнамои барномаҳои Эрасмус+: имкониятҳо ва имтиёзҳо” баргузор намуд, ки дар он муовини ректори Донишгоҳи давлатии Кӯлоб ба номи Абуабдуллоҳи Рӯдакӣ оид ба муносибатҳои байналмилалӣ Худойдодова Шарофат ва мутахассиси шуъбаи муносибатҳои байналмилалӣ Ғанизода Савина иштирок намуданд.
Мақсад аз баргузор намудани чорабинӣ – ҷалби таваҷҷуҳи донишҷӯёну магистрантон ва доираҳои илмию таҳқиқотии МТОК-и кишвар барои иштирок дар барномаҳои Эрасмус+ мебошад. Барномаи мубодилавии Эрасмус+ яке аз имкониятҳои беҳтарин барои гирифтани таҳсилот дар хориҷи кишвар барои донишҷӯён ба ҳисоб меравад.
Дар чорабинӣ сафири Иттиҳоди Аврупо дар Тоҷикистон Раймундас Кароблис ва намояндаи Иттиҳоди Аврупо дар бахши маориф хонум Диана Димова, ҳамоҳангсози барномаи Эрасмус+ дар Тоҷикистон Моҳбону Накҳатзода, муовини аввали вазири маориф ва илми Ҷумҳурии Тоҷикистон Ҷуразода Ҷамшед, муовини вазири маориф ва илми кишвар Абдухолиқзода Лутфия ва намояндагони дигар донишгоҳу донишкадаҳои ҷумҳурӣ аз вилоятҳои Хатлону Суғду Бадахшон ба тариқӣ ҳузурӣ ва маҷозӣ (онлайн) иштирок ва суханронӣ намуданд.
Дар ҳамоиш рӯнамоии фаъолияти донишгоҳу донишкадаҳои ҷумҳурӣ аз вилоятҳои Хатлону Суғду Бадахшон ба тариқӣ ҳузурӣ ва маҷозӣ (онлайн) пешниҳоди иштирокчиён гардонида шуда, муҳокима ва мубодилаи афкор сурат гирифт.
Боиси хушнидист, ки барои иштироки фаъолона дар татбиқи лоиҳаҳои грантии Эрасмус+ дар миёни 48 МТОК-и ҷумҳурӣ, Донишгоҳи давлатии Кӯлоб ба номи Абуабдуллоҳи Рӯдакӣ соҳиби Ҷоиза ва сертификати Иттиҳоди Аврупо гардид.