Дар асоси лоиҳаи «Рушди таҳсилоти олӣ» оид ба таъмини таҷҳизоти технологияи иттилоотӣ барои беҳтар намудани шароити таҳсил дар муассисаҳои таҳсилоти олии касбӣ дар самти такмили системаи таҳсилоти фосилавӣ-онлайнӣ ба Маркази таҳсилоти фосилавии Донишгоҳи давлатии Кӯлоб ба номи Абуабдуллоҳи Рӯдакӣ ба маблағи 949 723 сомонӣ таҷҳизотҳои нави техникӣ ворид гардид.Барои Маркази таҳсилоти фосилавӣ таҷҳизоти нави техникӣ — 60 моноблок, 5 адад проэктор, 5 адад ноутбуки фардӣ, 5 адад экран барои проэктор, 1 адад сервери пуриқтидор ва 1 адад видеостудия барои дарсҳои онлайнӣ харидорӣ карда шуд.