Новобаста ба давру замон, шароити таърихӣ, иқтисодию иҷтимоӣ, варзиш яке аз шуғлҳои асосии одамон ба шумор мерафт ва доимо такмил ва рушд меёфт, зеро «Тани солим-рӯҳи солим» гуфтаанд. Дар воқеъ тарбияи ҷисмонӣ ва варзиш дар ҳама вақт барои инсон аҳамияти муҳим дошта, яке аз омилҳои асосии тандурустӣ ва ташаккули шахсияти ҷисман ва рӯҳан солим ба шумор меравад. Ҳамин аст, ки имрӯз бо ташаббуси шуъбаи кор бо ҷавонони Донишгоҳи давлати Кӯлоб ба номи Абуабдуллоҳи Рӯдакӣ мусобиқаи “Волейбол” миёни донишҷӯписарони факултетҳои донишгоҳ баргузор гардид.
Дар кушодашавии мусобиқа сардори Раёсати тарбияи Холматов Баҳром, сардори шуъбаи кор бо ҷавонон Разоқов Наврӯз, ассистети кафедраи тарбияи ҷисмонӣ ва методикаи таълими он Саидов Парвин ва ҳайати доварикунандаи мусобиқа иштирок доштанд. Нахуст, Холматов Баҳром суханронӣ намуда, мусобиқаро оғоз бахшиданд ва ба ҳамаи иштирокчиён барору комёбиҳоро таманно намуданд.Бояд зикр намуд, ки мусобиқа аз санаи 18-уми октябр то 22-юми октябри соли равон идома хоҳад ёфт ва ғолибони мусобиқа бо сипоснома ва тӯҳфаҳои таъсиснамудаи садорати донишгоҳ қадрдонӣ мешаванд.