Имрӯз дар бинои маъмурии Донишгоҳи давлатии Кӯлоб ба номи Абӯабдуллоҳи Рӯдакӣ бо ташаббуси шӯъбаи тайёркунӣ ва азнавтайёркунии кадрҳои илмӣ–педагогӣ бахшида ба “Солҳои рушди саноат 2022-2026” конференсияи илмӣ-назариявии магистрантон ва докторантони PhD дар мавзӯи “Саноаткунонӣ-ҳадафи чоруми миллӣ” баргузор гардид.
Дар конфронс муовини ректор оид ба илм ва инноватсия, номзади илмҳои педагогӣ, дотсент Рафиев Сафархон, сардори шӯъбаи тайёркунӣ ва азнавтайёркунии кадрҳои илмӣ – педагогӣ номзади илмҳои филологӣ, дотсент Зулфиев Гадомад ва ҳайати васеи магистрантону докторантон иштирок намуданд.Нахуст сухани ифтитоҳиро дотсент Рафиев Сафархон оғоз намуданд. Сипас, Қурбонов Анис, докторанти PhD-и курси 2-юми ихтисоси иқтисодиёт дар мавзӯи “Саноаткунонӣ ҳамчун ҳадафи миллӣ ва марҳилаи расидан ба он”, Ҳаёев Қиёмиддин, докторанти PhD-и курси 2-уми ихтисоси иқтисодиёт дар мавзӯи “Низоми бонкӣ ва нақши он дар рушди саноати Ҷумҳурии Тоҷикистон”, Шоева Дилноза, магистранти соли 2-юми ихтисоси баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ дар мавзӯи “Саноаткунонӣ ва нақши он дар баландбардории сатҳи некӯаҳолии мардум” ва Иброҳимов Муҳаммадрасул, магистранти курси 2-юми ихтисоси менеҷменти иҷтимоӣ дар мавзӯи “Саноатикунонии босуръати кишвар-ҳадафи чоруми миллӣ” суханронӣ намуданд. Дар охир конфронс бо саволу ҷавоб ва музокироти устодону донишҷӯён ба анҷом расид.